ញាំស្ដៅ

គ្រឿងផ្សំ៖
– ស្ដៅ
– ជីគ្រប់មុខ ( បេះយកតែស្លឹក )
– ត្រសក់
– សាច់ជ្រូក ( យកលាយស្បែកជ្រូក )
– កំពិស ( កាត់ព្រុយចេញអោយស្អាត )
– ស្ករត្នោត ម្សៅស៊ុប ប៊ីចេង
– ទឹកអំពិលទុំ
– ប្រហុក
– ខ្ទឹមសចិញ្ច្រាំ

វិធីធ្វើ៖
– សាច់ជ្រូកលាងអោយស្អាត យកទៅស្ងោរ អោយឆ្អិន ( ដោយដាក់ម្សៅស៊ុបបន្តិចចូលផង ) រួចស្រង់ចេញ មកហាន់ជាចំណិតតូច ទុកមួយអន្លើរ
– យកកំពិសមកលីងរឺស្រុះអោយឆ្អិន រួចទុកមួយអន្លើរ
– យកប្រហុកមកជ្រុំជាមួយទឹកក្ដៅបន្តិច ( អោយរលាយចូលគ្នាអស់ )
– បន្ទាប់មកដាក់ខ្លាញ់បន្តិចចូលក្នុងខ្ទះ ទុកអោយក្ដៅ រួចដាក់ខ្ទឹមសចិញ្រាំចូលបំពងអោយឈ្ងុយ ហើយដាក់ទឹកអំពិលទុំចូល ស្ករត្នោត
ម្សៅស៊ុប ប៊ីចេង ( ដាក់ទឹកបន្តិច ) ទុកអោយពុះ ទើបដាក់ទឹកប្រហុកចូល រួចភ្លក់មើលអោយល្មម ទុកអោយពុះម្ដងទៀត ទើបលើកចេញ ( បើបងប្អូននិយមហិរ ដាក់ម្ទេសចូលតែម្ដងក៌បាន )
– ពេលទទួលទាន ទើបយកសាច់ជ្រូក កំពិស ស្ដៅ ត្រសក់ និងជីគ្រប់មុខមកញាំចូលគ្នា រួចស្រោចទឹកអំពិលទុំពីលើ រួចជាការស្រេច ✨ បើប្អូនមិនចូលចិត្តល្វីងពេក អាចយកស្ដៅទៅស្រុះជាមួយហ្នឹងទឹកក្ដៅបន្តិចក៍បាន


ប្រភព៖ Sethyka