ក្តាមចំហុយមីសួរ

គ្រឿងផ្សំ៖

– ក្ដាមថ្ម មីសួ
– ខ្ទឹម​បារាំង ម្រេច ប្រេង​ល្ង ខ្ទឹម​ក្រហម ខ្ទឹមស
– ស្រាចិន
– ម្សៅស៊ុប អំបិល ស្ករស ទឹក​ប្រេង​ខ្យង និង​ប្រេងឆា។

វិធីធ្វើ៖

1- ដំបូង​ត្រូវ​យក​ក្ដាមថ្ម​ទៅ​លាង​ឲ្យ​ស្អាត រួច​យក​ទៅ​បំពង​ប្រេង​ឆា​ប្រមាណ​ជា​ ២ នាទី រួច​ទុក​មួយ​អន្លើសិន។
2- បន្ទាប់​មក​យក​ខ្ទឹម​ស ខ្ទឹម​ក្រហម និង​ចំណិត​ខ្ទឹម​បារាំង តម្រៀប​នៅ​បាត​ឆ្នាំង​ខ្មៅ​ រួច​យក​ក្ដាម​ដាក់​ចូលក្នុង​ឆ្នាំង​ដី​។
3- យក​មីសួ​ទៅ​ត្រាំ​ទឹក​ឲ្យ​រីកល្មម រួច​យក​វា​ទៅ​លាយ​ជាមួយ​​ស្រា​ចិន ដោយ​ច្របល់​ចូល​គ្នា​ឲ្យ​ស្មើសាច់ ហើយ​បន្ថែម​គ្រឿង​ផ្សំ​រសជាតិ​រួម​មាន ម្សៅស៊ុប ស្ករស ប្រេងខ្យង និង​ម្ទេសឆា។
4- យក​មីសួ​នោះ​ទៅ​ដាក់​ក្នុង​ឆ្នាំង​ពី​លើ​ក្ដាម រួចចាក់ទឹក​បន្តិច ហើយ​អប់​ទុក​រយៈ​ពេល ៧ នាទី​លើ​ភ្លើង​ហ្គាស នោះ​ជា​ការ​ស្រេច។

ប្រភព ៖ ភោជនីយដ្ឋាន ហ័ងយីង