សាច់គោអាំងពិសេស

គ្រឿងផ្សំ៖
– សាច់គោ ៤ក្រាម
– ស្លឹកក្រូចសើច ៣សន្លឹក
– ខ្ទឹមស ៤កម្ចីស (ចិញ្ច្រាំ)
– ខ្ទឹមក្រហម ៣កម្ចីស (ហាន់ជាបន្ទះស្តើងៗ)
– ម្ទេសស្រស់ (ហាន់បញ្ឆោត)
ម្ទេសក្រៀមបុក
– គល់ស្លឹកគ្រៃ ៣ដើម (ហាន់ស្តើងៗ)
– ជីរណា ២ដើម (ហាន់១ថ្នាំងដៃ)
– ជីអង្កាម
– ស្លឹកខ្ទឹម ២ដើម (ហាន់១ថ្នាំងដៃ)
– ក្រូចឆ្មា ២ផ្លែ (ច្របាច់យកទឹក)
– សាលាដ
– អង្ករលីង ១ស្លាបព្រាបាយកន្លះ
– ទឹកត្រី, ប្រេងខ្យង, ទឹកស៊ីអីវ, អំបិល, ប៊ីចេង, ស្ករស, ប្រេងឆា

វិធីធ្វើ៖
១. មុនដំបូង អ្នកត្រូវយកសាច់គោទៅប្រលាក់ជាមួយ ស្ករស ប៊ីចេង ទឹកស៊ីអីវ និងប្រេងខ្យង។ បន្ទាប់មកយក សាច់គោទៅអាំង ពេលអាំងត្រូវប្រែលចុះប្រែលឡើងកុំ ឲ្យឆ្អិនពេកឲ្យនៅរៀង ក្រហមឈាមតិចៗ។

២. ពេលសាច់គោឆ្អិន ហើយត្រូវហាន់ជាបន្ទះៗ។

៣. យកចានមួយដាក់សាច់គោ គល់ស្លឹកគ្រៃ ទឹកក្រូចឆ្មា ខ្ទឹមស ខ្ទឹមក្រហម ម្ទេសស្រស់ ស្ករស ទឹកត្រី ទឹកស៊ីអីវ អង្ករលីង ស្លឹកក្រូចសើច ប៊ីចេង ម្ទេសក្រៀម ជីរណា ស្លឹកខ្ទឹម និង ជីអង្កាម ២-៣ សន្លឹក លៃយ៉ាងណាឲ្យមាន រសជាតិជូរ ផ្អែម ប្រៃ និងហិរ។

បញ្ជាក់៖ សាលាដ៍ទុកផ្ទាប់ជាមួយសាច់គោពេលដែល ញុំា។ អ្នកអាចរៀបចំបន្លែពីក្រោម ដើម្បីរចនាវាឲ្យស្អាត ដោយមានសាលាដ៍, ការ៉ុត, ត្រសក់ និងសណ្ដែកគួរបាន ផងដែរ៕