សម្លម្ជូរពងត្រី

គ្រឿងផ្សំ៖
ពងត្រី កូនត្រីឬត្រីរ៉ស់ ត្រកួន ម្អម ខ្ទឹមស រំដេង ស្លឹកក្រូចសើច ម្ទេស ម្ជួរអម្ពិល ប្រហុក អំបិល ស្ករស និងម្សៅស៊ុប។
វិធីធ្វើ៖
ដំបូងដាក់ដំាទឹកឲ្យពុះទើបបង់ខ្ទឹមសរ រំដេង ស្លឹកក្រូចសើច កូនត្រី និងពងត្រីចូលដំណាលគ្នា។ នៅពេលដែលសម្លពុះម្ដងទៀត ហើយសាច់ត្រីឆ្អិនល្អនោះ សឹមជ្រំម្ជូរអម្ពិល និងប្រហុកតាមចំណូលចិត្ត។ បន្ទាប់មកទៀតត្រូវបន្ថែមគ្រឿងផ្សំរសជាតិមាន អំបិល ស្ករស និងម្សៅស៊ុប រួចភ្លក់រសជាតិសាបប្រៃតាមចំណូលចិត្ត។ នៅពេលដែលរសជាតិសម្លឆ្ងាញ់ល្មមហើយ សឹមបង់ត្រកួនចូលរួចទុកមួយរំពុះទៀត។ ចុងក្រោយត្រូវបង់ម្អម និងម្ទេសរួចបិទភ្លើងចង្ក្រាន។